Сярэдні ўзрост — 44 гады, часта шукае падпрацоўку — сярэднестатычны партрэт беларускай жанчыны
Белстат на прэс-канферэнцыі ў Нацыянальным прэс-цэнтр прэзентаваў статыстычны партрэт беларускай жанчыны.
«Гэта беларуска. Яна жыве ў горадзе. Ёй у сярэднім 44 гады. Яна добра адукаваная, мае вышэйшую або сярэднюю адукацыю. Першы раз выходзіць замуж у 27 гадоў і прыкладна праз год нараджае дзіця. У цэлым па выніках 2024 года на тэрыторыі нашай краіны пражывала 4,9 млн жанчын, або 54% ад агульнай колькасці насельніцтва. Пры гэтым пераважная большасць з іх пражывала ў гарадской мясцовасці — гэта амаль 80%», — расказала намеснік старшыні Нацыянальнага статыстычнага камітэта Наталля Тарасюк.
У сярэднім на 1000 мужчын у краіне прыходзіцца 1167 жанчын. Аднак гендарны баланс па-рознаму выглядае ў розных узроставых катэгорыях. Калі ў маладым узросце на 1000 юнакоў прыходзіцца 957 дзяўчат, то ў больш сталым узросце жанчын ужо ў два разы больш, чым мужчын.
За 2025 год у краіне было заключана 52 тыс. шлюбаў.
«Сярэдні ўзрост жанчын пры ўступленні ў першы шлюб склаў, як я ўжо казала, 27 гадоў. Аднак узрост не з'яўляецца перашкодай для стварэння сямейнага саюза, і ў апошнія гады заўважная цікавая тэндэнцыя. Жанчыны 65 гадоў і старэйшыя ўсё часцей ствараюць сем'і. Так, за 2025 год 713 жанчын уступілі ў шлюб, што амаль на 13% больш, чым у папярэднім годзе. Прычым 44 жанчыны ўступілі ў шлюб упершыню», — дадала Тарасюк.
Па яе словах, узровень жаночай занятасці ў Беларусі вышэйшы, чым мужчынскі. Ён складае 65%, а ў працаздольным узросце — 86%.
-
Іранка адкрыла ў Мінску арт-кафэ. Там прадаюць рэчы ручной работы і падаюць капучына з шафранам
-
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
-
Беларус з праблемамі з псіхікай стаў у Расіі намінальным дырэктарам. А як справа накрылася, забралі на фронт — у адзін канец
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары