Экскурсавод паказаў кватэру, у якой у Мінску жыў Лі Харві Освальд
Дом на Плошча Перамогі многія ведаюць як месца, дзе два гады жыў меркаваны забойца Джона Кенэдзі.
Як выглядае гэтая кватэра сёння, у сваім інстаграме паказаў мінскі экскурсавод Павел Дзюсекаў — піша realt.by.
Плошча аднапакаёвай кватэры на вуліцы Камуністычнай, 4 — усяго 27 «квадратаў». Раней кватэра была большай, але яе падзялілі на дзве.
Цяперашняя гаспадыня «освальдаўскай» жылплошчы расказала, што раней легендарнай кватэрай валодаў яе бацька. Ён вельмі захапляўся гісторыяй гэтага месца і ахвотна запрашаў усіх жадаючых пранікнуцца яго атмасферай.
Натуральна, з часам кватэра настойліва патрабавала рамонту, але ўладальніца пастаралася беражліва захаваць «музейную» абстаноўку. Тут захаваліся нават арыгінальныя ўваходныя дзверы.
— Гэтая кватэра вельмі патрабавала рамонту, але я старалася захоўваць тое, што было. Напрыклад, падчас рамонту нам прапаноўвалі: «А давайце нацягнем нацяжную столь — вам і танней будзе».
Я сказала: «Не, трэба пакінуць усё так, як было». А калі заняліся рамонтам сцен, я ўбачыла, што там пяць слаёў шпалераў! Калі атрымлівалася разгледзець малюнак, я ўсё сфатаграфавала. І я ведаю, якія шпалеры былі пры Освальдзе. Пасля яго іх пераклейвалі двойчы».
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары