На Кацярыну Ваданосаву завялі крымінальную справу за рэабілітацыю нацызму — за фільм пра Кубэ
«Падазраваная гераізавала нацысцкіх злачынцаў і іх памагатых».
Генеральная пракуратура завяла крымінальную справу за «аўтарскую інтэрпрэтацыю гістарычных падзей часоў Другой сусветнай вайны на Youtube»
Сілавікі лічаць, што вядучая Кацярына Ваданосава «на сістэмнай аснове вырабляла, размяшчала на агульнадаступным рэсурсе відэаролікі ў форме асветніцкіх лекцый, а ў іх маніпулявала асобнымі фактамі з гісторыі краіны». На яе завялі справу за рэабілітацыю нацызму (ч. 3 арт. 130-1).
Пракуроры ўбачылі ў некаторых відэазапісах «выдумкі, у якіх падазраваная гераізавала нацысцкіх злачынцаў і іх памагатых, у тым ліку прадстаўнікоў нацыяналістычных калабарацыянісцкіх фарміраванняў («Дапаможная паліцыя», Беларуская цэнтральная Рада і іншыя), наўмысна праслаўляла іх, а таксама здзейсненыя імі злачынствы супраць мірнага насельніцтва БССР».
Таксама Ваданосава нібыта ўсхваляла гаўляйтара Беларусі Вільгельма Кубэ.
Размова, напэўна, вядзецца пра гэты матэрыял, што выйшаў некалькі дзён таму.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары