Пяць «глянцавых» гмахаў узвялі ў гіганцкім квартале на поўдні сталіцы. Старт будаўніцтву далі яшчэ ў 2021 годзе.
Плошча шклення ўсіх пяці вежаў складае каля 50 тыс. кв. м, гэта 60 працэнтаў прац. Паводле слоў дырэктара «Дана Астры» Петара Петрава, сёння на аб’екце 400 чалавек паралельна выконваюць работы як унутры, так і звонку будынкаў, пішуць Мінск-навіны.
— Раней у нас узнікалі цяжкасці з пастаўкамі фасадных модуляў. Зараз сітуацыя выпраўляецца, — запэўніў Петраў. — Мы цалкам забяспечаны фінансаваннем і матэрыяламі. На наступным тыдні плануем прыступіць да мантажу фасаду, а да канца лета маем намер цалкам завяршыць працэс шклення.
Паводле слоў інвестара, вышыня 42‑павярховай цэнтральнай вежы Міжнароднага фінансавага цэнтру, дзе і будзе сканцэнтравана асноўная маса штаб-кватэр замежных і айчынных бізнэсаў, разам з падземнай часткай складае 210 м.
Эксклюзівам цэнтральнай вежы таксама стануць рэстаран і агароджаная аглядная пляцоўка на даху. На «няўлічаным» 43‑м паверсе — верталётная пляцоўка. Дапамагаць пераадольваць такую вышыню наведвальнікам будуць 13 ліфтаў.
Ужо вядома, што ў галоўным хмарачосе будзе адкрыты СПА-цэнтр. Вядуцца перамовы з адной з вядомых сетак.
У двух 26‑павярховых і двух 14‑павярховых вежах размесцяцца бізнес-апартаменты агульнай плошчай каля 28 тыс. кв. м. Кожны хмарачос будуць уводзіць у эксплуатацыю па меры гатоўнасці.
З улікам значнасці аб’екта на выязной нарадзе Эдуард Тамільчык асаблівую ўвагу акцэнтаваў на культуры будаўніцтва і тэрмінах завяршэння работ.
— Калі завершацца работы па шкленні ўсіх пяці вежаў, аб’ект «заграе» і будзе радаваць сваім выглядам мінчан і гасцей сталіцы, — адзначыў ён.
Пад зямлёй усе пяць вежаў аб’яднае паркінг на 584 машына-месцы.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць35
Каментары