«Сапраўдныя бандзюганы». Лукашэнка расказаў пра аперацыю па затрыманні кантрабандыстаў на мяжы
Лукашэнка пракаментаваў сітуацыю з кантрабанднымі метэазондамі, якія на фоне напружання адносін паміж афіцыйным Мінскам і Вільняй сталі часта залятаць у Літву. Віленскі аэрапорт не раз закрываўся з гэтай прычыны.
Аляксандр Лукашэнка расказаў журналістам пра аперацыю па затрыманні зламыснікаў, якія нібыта займаліся незаконнай дастаўкай цыгарэт за мяжу, піша БелТА.
«Міністр Кубракоў мне даклаў пра завяршэнне аперацыі. Яны затрымалі пяць нашых беларускіх кантрабандыстаў проста на мяжы. Нашы знялі дом пусты — у кагосьці з сваякоў купілі, заплацілі нейкія капейкі.
У гэтым доме — пачкі цыгарэт, балон, якім запраўлялі, зонды… Усё для перакідвання. Міліцыя іх затрымала. Бандыты, яны былі асуджаныя не адзін раз. Сапраўдныя бандзюганы», — расказаў Аляксандр Лукашэнка.
Ён заявіў, што метэазонды наўрад ці могуць паралізаваць працу аэрапортаў.
«Узляцеў самалёт, чыста ўзляцеў. Відаць жа, што шарыкаў няма на ўзлётнай паласе. Узляцеў, і ён высока — 10—11 км. А там шарыкі не лётаюць», — сказаў ён.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары