Прагноз надвор’я на 1 — 3 чэрвеня.
1 чэрвеня на большай частцы тэрыторыі Беларусі чакаюцца навальніцы, месцамі шквалістае ўзмацненне ветру.
Згодна з прагнозам Рэспубліканскага гідраметэацэнтра, на большай частцы тэрыторыі Беларусі 1 чэрвеня чакаюцца навальніцы, месцамі шквалістае ўзмацненне ветру да 15—20 м/с, моцныя ліўні. Днём у асобных раёнах град. Тэмпература паветра ноччу плюс 11—17°С, днём плюс 20—26°С, на паўднёвым усходзе да плюс 28°С.
Заўтра ў Мінску воблачна з праясненнямі. Кароткачасовыя дажджы, навальніцы. Днём у асобных раёнах моцныя ліўні, магчымы град. Вецер паўднёва‑ўсходні 5—10 м/с, днём пры навальніцы месцамі па горадзе шквалістае ўзмацненне да 15—20 м/с. Тэмпература паветра ноччу плюс 13—15°С, днём плюс 22—24°С.
У наступныя двое сутак, 2 і 3 чэрвеня, па краіне чакаецца воблачнае з праясненнямі надвор’е. На большай частцы тэрыторыі кароткачасовыя дажджы, у асобных раёнах моцныя дажджы, месцамі навальніцы. Днём магчымы град. Вецер паўднёва‑ўсходні, паўднёвы 5—10 м/с, пры навальніцах парывы да 14 м/с, днём да 15—20 м/с. Тэмпература паветра ноччу плюс 12—18°С, днём плюс 22—28°С, пераважна па ўсходняй палове месцамі да плюс 30°С, у паўднёва‑заходніх раёнах плюс 18—21°С.
2 чэрвеня ў Мінску воблачна з праясненнямі. Кароткачасовыя дажджы, магчымы навальніцы. Вецер паўднёва‑ўсходні 5—10, пры навальніцах парывы да 14 м/с. Тэмпература паветра ноччу плюс 15—17°С, днём плюс 24—26°С.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага6
Каментары