Махляры для атрымання грошай без пары «пахавалі» самую старую чарапаху ў свеце
Інфармацыя пра «смерць» самай старой сухапутнай чарапахі ў свеце была няпраўдай і часткай махлярства. Гаворка ідзе пра чарапаху па імені Джонатан, якой каля 193 гадоў і якая жыве на востраве Святой Алены ў Атлантычным акіяне, паведамляе Euronews.
Напярэдадні ў сацыяльных сетках з’явілася паведамленне пра нібыта смерць Джонатана. Яго апублікаваў фэйкавы акаўнт, які выдаваў сябе за ветэрынара, што нібыта працаваў з гэтай чарапахай. Публікацыя хутка набрала мільёны праглядаў і выклікала хвалю спачуванняў ад людзей з усяго свету.
Аднак пазней высветлілася, што гэта быў розыгрыш. Рэальны ветэрынар не меў да гэтай «навіны» ніякага дачынення, а за фэйкавымі паведамленнямі стаялі махляры. Яны выкарыстоўвалі гэтую гісторыю, каб прыцягнуць да сябе ўвагу і паспрабаваць сабраць грошы, у тым ліку ў крыптавалюце.
Прадстаўнікі вострава святой Алены пацвердзілі, што Джонатан жывы і працягвае жыць на тэрыторыі рэзідэнцыі губернатара. Інфармацыю ж пра яго смерць назвалі поўнай фальшыўкай.
Джонатан лічыцца самай старой сухапутнай жывёлінай у свеце. Яго нават уключылі ў Кнігу рэкордаў Гінэса. Вядома, што ён нарадзіўся на Сейшэльскіх астравах недзе каля 1832 года, а на востраў Святой Алены чарапаху прывезлі ў 1882-м, калі ёй было каля 50 гадоў. З таго часу Джонатан стаў мясцовай славутасцю.
Востраў Святой Алены вядомы тым, што там правёў свае апошнія гады ў ссылцы французскі імператар Напалеон Банапарт. Ён памёр у 1821 годзе — яшчэ да таго, як Джонатан зрабіў свае першыя крокі ў жыцці.
Гіганцкіх чарапах выпусцілі на ціхаакіянскі востраў праз 180 гадоў адсутнасці на ім
На востраве сярод горнага возера на Балканах масава гінуць самкі чарапах. Прычына аказалася нечаканай
У амерыканскім заапарку памерла чарапаха, якая перажыла дзве сусветныя вайны і 20 прэзідэнтаў ЗША
У Беларусі жывуць аднагодкі дыназаўраў. Жыхар Палесся расказаў і паказаў, як за імі назірае
У гамельчука жыў кракадзіл, а цяпер ён мае расліну, якой больш няма ў дзікай прыродзе
Герой Беларусі Марына Васілеўская нарадзіла дачку ад касманаўта Алега Навіцкага16
Каментары