Пуцін аб'явіў велікоднае перамір'е на суткі з хвосцікам. Раней да таго некалькі разоў заклікаў Зяленскі
Яно пачнецца ў 16:00 11 красавіка і скончыцца ўвечары 12 красавіка.
Прэс-служба Крамля распаўсюдзіла паведамленне, згодна з якім Пуцін прыняў рашэнне аб велікодным перамір'і з 16:00 11 красавіка да канца дня 12 красавіка 2026 года.
Міністру абароны Андрэю Белавусаву і начальніку Генеральнага штаба Валерыю Герасімаву дадзеныя ўказанні спыніць у гэты час баявыя дзеянні на ўсіх кірунках, але быць гатовымі да «спынення магчымых правакацый».
Пуцін спадзяецца, што ўкраінскі бок таксама ў гэты час ваяваць не будзе.
Першым, раней з заклікам да велікоднага перамір'я выступіў Уладзімір Зяленскі.
Украіна таксама спыніць агонь на Вялікдзень. Аб гэтым паведаміў прэзідэнт Украіны ў адказ на рашэнне Пуціна.
«Украіна не раз заяўляла, што мы гатовыя да мер у адказ. У гэтым годзе мы прапаноўвалі спыненне агню на час велікодных свят і будзем дзейнічаць адпаведна», — заявіў Зяленскі.
«Людзям патрэбны Вялікдзень без пагроз і рэальны рух да міру, і ў Расіі ёсць шанец не вяртацца да нанясення ўдараў і пасля Вялікадня», — дадаў прэзідэнт Украіны.
«Кайлас, я іду». Што за беларуска знікла ў жудасным селі ў Непале6
Каментары