«Лепш бы я гэтага не бачыла!» У Threads абурыліся велікоднай інсталяцыяй у Dana Mall. Але не ўсе
У Threads разгарэлася гарачая дыскусія вакол велікоднай інсталяцыі ў сталічным ГЦ Dana Mall. Там паставілі «курыны куб» — невялікую вітрыну з жывымі курамі для забавы наведвальнікаў. Карыстальнікі ў сваёй рэакцыі падзяліліся на два лагеры: адны патрабуюць спыніць эксплуатацыю птушак, іншыя лічаць, што гэта дробязь у параўнанні з буднямі харчовай індустрыі.
«Беларусы, у Dana Mall здзекуюцца з жывёл! Мы павінны штосьці зрабіць! У адной з крам паставілі так званы курыны куб, дзе дзве курачкі туляцца ў скрыні, меншай за метр на метр, каб людзі глядзелі і весяліліся, пакуль жывёлы пакутуюць! «Мерзкий Кокобай» выклаў не менш мерзкі пост у свой канал, дзе жартуе з гэтай сумнай сітуацыі. Такога не павінна быць! У XXI стагоддзі не павінны існаваць заапаркі, дэльфінарыі, не павінна існаваць эксплуатацыя жывёл!» — напісаў карыстальнік muawgrechka.
Шмат хто ў каментарыях падтрымаў аўтара, што трымаць жывых істот у цеснай скрыні дзеля маркетынгу — гэта дзікунства.
«У мяне сэрца крывёю абліваецца… Не разумею, як людзям можа быць настолькі ўсё роўна на жывых істот. Многія напісалі, што куры — гэта не жывёлы, а ежа. Хочацца верыць, што адэкватных людзей значна больш».
«Здзекавацца з жывёл нельга. Цыркі, дэльфінарыі і іншыя жывадзёрні закрыць, каб і духу не было. Усё дзеля грошай!»
«Лепш бы я гэтага не бачыла!»
«Вялікі дзякуй за агалоску гэтага вар’яцтва! Прыемна бачыць, як шмат людзей убачыла бесчалавечнасць у такой «дэкарацыі». Няхай з курачкамі ўсё будзе добра. Але карыстаюся магчымасцю, каб нагадаць усім: яшчэ больш бязлітаснымі з’яўляюцца фермы яек. Часцей за ўсё там курэй утрымліваюць у клетачных сістэмах (бо яны самыя выгадныя). Пра жахі можаце пачытаць самі, я проста пакажу даволі добрае фота (бо найчасцей яны там лысыя і ўсё навокал у гаўне)».
Іншая частка каментатараў адзначыла, што ўдзел у інсталяцыі — далёка не найгоршы лёс для сельскагаспадарчай птушкі, і абвінаваціла аўтараў допісу ў празмернай эмацыйнасці.
«Шчыра кажучы, я тут нічога крымінальнага не бачу. Куры шчаслівыя, клююць зярняткі, яшчэ і за шклом столькі падзей. Мне здаецца, гэта далёка не горшая доля».
«Гэта проста бязмозглыя куры, якіх на птушкафабрыцы проста адбракавалі б у камбікорм. А тут яны жыццю радуюцца».
«З-за вас курачка цяпер адправіцца ў абвалачны цэх».
«Цяпер курачкі пойдуць у суп».
Пазней аўтар паста напісаў, што атрымаў адказ ад Dana Mall, у якім гаварылася:
«Дзякуем за вашу пільнасць і неабыякавасць да сітуацыі. Размяшчэнне жывёл не было ўзгоднена з адміністрацыяй ГЦ, мы не былі пра гэта папярэджаныя. Мы выступаем за гуманнае і адказнае стаўленне да жывёл і ўжо разбіраемся ў тым, што адбылося, каб прыняць адпаведныя меры!»
Пра далейшы лёс курэй не паведамляецца.
-
У Мінску ладзяць вялікі жаночы форум з Хакамадай — квіткі ад 250 рублёў, сярод спікераў псеўданавукоўка
-
«Не магу вызваліць палітзняволеных, але магу палепшыць жыццё аднаго чалавека». Беларуска расказала, як стала прыёмнай маці
-
Пенсіянерка распавяла, як пад відам супрацоўнікаў райвыканкама яе ледзь не аблапошылі махляры
Каментары
а чаму мярзотны, кали ён супраць гэтага?