Пры канцы тыдня - да +34°С

У найбліжэйшыя суткі, 8 чэрвеня, умовы надвор’я ў Беларусі будуць фарміраваць атмасферны фронт з Заходняй Еўропы, паведаміла начальнік аддзела метэаралагічных прагнозаў Рэспубліканскага гідраметэацэнтра Людміла Парашчук.

Заўтра чакаецца пераменная воблачнасць. Ноччу на большай частцы тэрыторыі, а днём па Віцебскай вобласці, месцамі па Магілёўскай і Гомельскай абласцях пройдуць кароткатэрміновыя дажджы, у асобных раёнах прагрымяць навальніцы.

Вецер заходні, ад 5 да 10 метраў за секунду. Пры навальніцах парывы ветру ўзмоцняцца да 14 метраў за секунду. Тэмпература паветра ноччу складзе 12‑18 градусаў вышэй за нуль, днём яна павысіцца да плюс 19‑25 градусаў, па паўднёвым усходзе паветра прагрэецца да 28 градусаў.

З 9 чэрвеня заходнія ветры зменяцца паўднёвымі і паўднёва‑заходнімі. І на Усходнюю Еўропу, у тым ліку і на Беларусь, пачне паступаць гарачае міжземнаморскае паветра. У ноч на сераду будзе яшчэ халаднавата. Мінімальная тэмпература паветра ноччу складзе 6‑13 градусаў вышэй за нуль, днём —

плюс 20‑26 градусаў, па паўднёвым захадзе паветра прагрэецца да 30 градусаў.

У чацвер, 10 чэрвеня, вельмі цёплае і сухое паветра распаўсюдзіцца на ўсю тэрыторыю Беларусі. У начныя гадзіны чакаецца 12‑18 градусаў цяпла, днём паветра прагрэецца да 24‑29 градусаў, па паўднёвым захадзе днём чакаецца 30‑32 градусы вышэй за нуль.

У пятніцу і суботу надвор’е будзе знаходзіцца ва ўладзе трапічнага паветра. Будзе не толькі горача днём, але і вельмі цёпла ноччу. Слупок тэрмометра ў начныя гадзіны не апусціцца ніжэй за 17‑23 градусы цяпла.

А ў дзённыя гадзіны ў многіх раёнах тэмпература паветра складзе плюс 30‑32 градусы, па паўднёвым захадзе — 33‑34 градусы вышэй за нуль. Такі тэмпературны рэжым на 8‑13 градусаў перасягне кліматычную норму для сярэдзіны чэрвеня.

У многіх раёнах захаваецца сухое надвор’е, толькі па паўночным захадзе Беларусі пройдуць кароткатэрміновыя дажджы, месцамі прагрымяць навальніцы.

А вось у нядзелю, 13 чэрвеня, характар надвор’я пачне змяняцца.

Пад уплывам атмасфернага фронту з Заходняй Еўропы на большай частцы тэрыторыі пройдуць навальнічныя дажджы. Тэмпература паветра ў начныя гадзіны складзе 12‑18 градусаў цяпла, днём яна павысіцца да плюс 20‑26 градусаў. Па Гомельскай і Магілёскай абласцях будзе на некалькі градусаў цяплей.

• 0
• 0
• 0
• 0
• 0
• 0
• 0
• 0