З-за гэтага паміж ЗША і Ізраілем узмацнілася напружанасць.
Прэм’ер-міністр Ізраіля пры пэўных абставінах гатовы да самастойнага ваеннага ўдару па Іране. Пра гэта паведамляе ізраільскі тэлеканал i24News.
«Можа здарыцца так, што мы акажамся ў сітуацыі, калі будзем супрацьстаяць іранцам самі, без падтрымкі ЗША — са ўсімі звязанымі з гэтым выдаткамі: на ўзбраенне і сусветную ізаляцыю», — сказаў прэм'ер.
Ізраіль не хоча, каб да гэтага дайшло, але ведае, што гэта можа адбыцца, сказаў Нетаньяху, піша Bild.
Дональд Трамп раней заклікаў ізраільскага кіраўніка ўрада ўстрымацца ад самастойных дзеянняў, імкнучыся захаваць перспектыву дыпламатычнага вырашэння канфлікту. З-за гэтага паміж ЗША і Ізраілем узмацнілася напружанасць.
Ізраільскі эксперт па Іране Дэні Цытрыновіч напісаў у X, што сур’ёзныя ваенныя дзеянні без амерыканскай падтрымкі — велізарная рызыка для нацыянальнай бяспекі Ізраіля, і ісці на іх можна толькі ў тым выпадку, калі няма альтэрнатыў.
Каментары