ЗША і Саудаўская Аравія нанеслі ўдары па аб'ектах у Іраку, звязаных з Іранам
Знішчальнікі нанеслі ўдары па лагістычных аб'ектах і складах узбраенняў ва ўсходняй частцы Ірака.
Цэнтральнае камандаванне ЗША (CENTCOM) і саудаўскія вайскоўцы нанеслі «высокадакладныя ўдары» па звязаных з Іранам аб'ектах на тэрыторыі Ірака, паведаміла амерыканскае камандаванне, піша Бі-бі-сі.
Паводле паведамлення, знішчальнікі нанеслі ўдары па лагістычных аб'ектах і складах узбраенняў ва ўсходняй частцы Ірака.
«Гэтыя дзеянні сталі рашучым адказам на больш чым 30 атак з выкарыстаннем беспілотнікаў, здзейсненых за апошнія 72 гадзіны па загадзе Корпуса вартавых ісламскай рэвалюцыі, — паведамляе CENTCOM у сацыяльнай сетцы X. — Гэтыя неабгрунтаваныя атакі на амерыканскія войскі не мелі поспеху».
Раней камандаванне паведамляла, што ў аўторак падраздзяленні Корпуса вартавых ісламскай рэвалюцыі запусцілі з тэрыторыі Ірана некалькі балістычных ракет у спробе нанесці ўдар па амерыканскіх войсках на Блізкім Усходзе.
«Усе іранскія ракеты былі паспяхова перахоплены. Амерыканскія войскі захоўваюць пільнасць і знаходзяцца ў стане павышанай баявой гатоўнасці», — дадалі вайскоўцы.
Каментары