За мінулы тыдзень узятыя 958 проб вады вадаёмаў у месцах масавага купання краіны. З іх 12 не адпавядалі гігіенічным нарматывам па санітарна-хімічных паказчыках і 36 — па мікрабіялагічных паказчыках бяспекі, прывялі даныя ў Рэспубліканскім цэнтры гігіены, эпідэміялогіі і грамадскага здароўя.
У выніку абмежавана купанне дзяцей на наступных пляжах:
- пляж на сажалцы ў аграгарадку Луцкаўляны Гродзенскага раёна;
- пляж на сажалцы Брады ў Магілёве;
- пляж на Пячэрскім вадасховішчы ў Магілёве;
- пляж на возеры Гусінае ў аграгарадку Кадзіна Магілёўскага раёна;
- пляж возера санаторыя «Шыннік» ТАА «Белшына» ў Бабруйску;
- пляж на рацэ Друць у раёне сквера «Спуск да ракі» ў Круглым;
- пляж на Цяцерынскім вадасховішчы паблізу вёскі Шупені Круглянскага раёна.
Прыпынена купанне дзяцей і дарослых на наступных пляжах:
- гарадскі пляж на рацэ Дняпро ў Магілёве;
- пляж на рацэ Дняпро ў аграгарадку Палыкавічы Магілёўскага раёна;
- пляж на вадасховішчы Рудзея ў вёсцы Гародня Магілёўскага раёна;
- гарадскі пляж, размешчаны на правабярэжжы ракі Дняпро паблізу лядовай арэны Шклова;
- гарадскі пляж у раёне вусця штучнага канала ад ракі Ведрыч у Рэчыцы.
Забароненыя купанне дзяцей, дарослых і заняткі воднымі відамі спорту:
- пляж на сажалцы ў вёсцы Сухаўляны Гродзенскага раёна;
- пляжы на рацэ Дняпро ў Жлобіне ў раёне Цэнтра алімпійскага рэзерву і ў парку культуры і адпачынку «Прыдняпроўскі»;
- зоны купання №1 і №2 возера Юбілейнае ў Гродне.
У той жа час знятыя абмежаванні на купанне на наступных зонах рэкрэацыі:
- пляж на сажалцы паблізу вуліцы Лермантава ў Хойніках;
- пляжы на рацэ Нёман ва ўрочышчах Ласосна і Пышкі ў Гродне;
- адцінак прыбярэжнай зоны затокі ракі Дняпро ў раёне вуліцы Фаціна ў Магілёве;
- пляж на сажалцы ў вёсцы Вільчыцы Магілёўскага раёна.
Маніторынг бяспекі вады працягваецца на працягу ўсяго купальнага сезона. Пры атрыманні вынікаў лабараторных даследаванняў, якія пацвярджаюць адпаведнасць вады гігіенічным нарматывам, абмежаванні аператыўна пераглядаюцца.
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС18
Каментары