Некаторыя забудоўшчыкі рэзка паднялі цэны пасля запуску нашумелага крэдыту Беларусбанка
Цэны выраслі ў сярэднім на 10 тысяч даляраў.
Некаторыя забудоўшчыкі, якія сталі партнёрамі «Беларусбанка» па крэдыце на жыллё, дзе стаўка ў льготны перыяд складае ўсяго 1%, рэзка паднялі цэны на кватэры. Пра гэта піша экспертка па нерухомасці Наталля Літоўская ў сваім тэлеграм-канале.
Экспертка прааналізавала рынак новабудоўляў у Мінску і заўважыла, што цэны на кватэры ў некалькіх праектах, якія падпадаюць пад партнёрскую праграму нашумелага крэдыту «Беларусбанка», выраслі ў сярэднім на 10 тысяч даляраў.
«І нават уведзеная пяцігадовая забарона на датэрміновае пагашэнне гэтага «суперкрэдыту» на рашэнне падняць цэны не паўплывала», — канстатавала Наталля Літоўская.
«А вось у тых забудоўшчыкаў, хто да праграмы не далучыўся, усё роўненька і добра — і з продажамі, і з цэнамі. Балазе, ёсць (адносна звычайных ставак у РБ) «танныя» іпатэчныя крэдыты і па-за партнёрскімі праграмамі», — зазначыла яна.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары