Яна датычыцца адмовы ў рэгістрацыі Цэнтрвыбаркамам ініцыятыўнай групы па правядзенню «аўтамабільнага» рэферэндума.
Яна датычыцца адмовы ў рэгістрацыі Цэнтрвыбаркамам ініцыятыўнай групы па правядзенню «аўтамабільнага» рэферэндума.
Суддзя Вярхоўнага суда Галіна Жукоўская прызначыўла паседжанне на 10 гадзіну 7 ліпеня.
На паседжанні адбудзецца разгляд скаргі ініцыятыўнай группы БНФ па правядзенню агульнанацыянальнага рэфэрэндума. Ён меў датычыць пытання аб павышэнні аўтамабільнага мыта. Аднак Цэнтрвыбаркам не задаволіў заяўкі ініцыятыўнай групы, спаслаўшыся на адмоўнае заключэнне пракуратуры.
Партыя БНФ прапанавала вынесці на агульнае абмеркаванне наступнае пытанне — «Ці падтрымліваеце вы захаванне памеру мытных пошлін на ўвоз у Рэспубліку Беларусь легкавых аўтамабіляў замежнай вытворчасці на ўзроўні 26 лістапада 2009 года?». Заключэнне Міністэрства юстыцыі было станоўчым. Пракуратура таксама не мае прэтэнзій да парадку стварэння групы, але лічыць, што прапанаванае пытанне не дае магчымасці сфармуляваць дакладны адказ.
Між тым у канцы чэрвеня стала відавочным, што кіраўніцтва Беларусі не пагадзілася на падвышэнне пошлін на аўтамабілі. Прапанаваны БНФ рэфэрэндум, калі яго ўсё ж атрымаецца ініцыяваць, будзе мець карысць у першую чаргу для юрыдычных асоб, якія плацяць падвышаныя пошліны за аўтамабілі.
Судовае паседжанне 7 ліпеня будзе першым ў Вярхоўным Судзе выпадкам, калі група грамадзян на падставе Выбарчага кодэкса абскарджвае адмову ў стварэнні ініцыятыўнай группы па правядзенню рэспубліканскага рэфэрэндума.
Цяпер чытаюць
«Патраціла 300 рублёў — а яшчэ толькі сярэдзіна чэрвеня!» Беларусы абмяркоўваюць выдаткі на пакос травы і дзеляцца лайфхакамі9
Каментары