Свет1111

Украінскі спартсмен і яго спадарожніца сфатаграваліся ў Амане вярхом на вялікай чарапасе. Скончылася скандалам

Кадры разышліся па сацсетках і дайшлі да аманскіх уладаў.

Вадзім Алейнік і Алена Краўчанка. Фота: Biologicamente / facebook

Алейнік — украінскі спартсмен, фітнэс-трэнер і інфлюенсер. Ён займаецца калістэнікай і вулічным воркаўтам, удзельнічае ў міжнародных спаборніцтвах. За яго старонкай у Instagram сочаць каля 200 тысяч чалавек.

У верасні Алейнік разам са сваёй спадарожніцай Аленай Краўчанка адправіўся на адпачынак у Аман. Падчас паездкі пара пабывала ў Рас-эль-Хадзе ў правінцыі Паўднёвая Эш-Шаркія. Гэта адно з галоўных месцаў гнездавання марскіх чарапах у Амане.

Алейнік апублікаваў фота і відэа, як сядзіць на панцыры вялікай чарапахі, трымаючы ў руцэ чарапашку, якая толькі вылупілася. На іншых здымках на той жа чарапасе сядзіць яго спадарожніца. Пасля мужчына паспрабаваў праехаць на вялікай чарапасе. 

Гэтыя кадры пасля разышліся па сацсетках і медыя. Блог італьянскай навукова-папулярнай супольнасці Biologicamente раскрытыкавала паводзіны турыстаў, звярнуўшы ўвагу, што марская чарапаха — дзікая жывёла і сядаць на яе або браць у рукі маленькіх чарапашак нельга.

У выніку на відэа адрэагавала Упраўленне па ахове навакольнага асяроддзя Амана. Там пацвердзілі, што такія дзеянні парушаюць законы і правілы аховы дзікай прыроды.

Як паведамляюць афіцыйныя ўлады Амана, у дачыненні да спартсмена, «прынятыя неабходныя прававыя меры». Якія менавіта, не удакладняецца. Яны таксама нагадалі наведвальнікам месцаў гнездавання, што да чарапах нельга дакранацца, набліжацца да іх і іншым чынам іх турбаваць.

Посмотреть в Threads

Пасля скандалу Алейнік апублікаваў у Instagram сторыс з прабачэннем на англійскай мове.

«Сябры, перш за ўсё я хацеў бы папрасіць прабачэння ва Упраўлення па ахове навакольнага асяроддзя Султаната Аман, а таксама ў арганізацыі па ахове зялёных марскіх чарапах за тое, што я сядзеў [на чарапасе], бо нехта ўвёў мяне ў зман, і я не бачыў правілаў. Таму я зрабіў памылку і шлю свае прабачэнні кожнаму. Я не хацеў нашкодзіць чарапасе ці зрабіць ёй штосьці дрэннае. І няхай Бог дабраславіць усіх вас і даруе мне маю памылку», — кажа Алейнік.

Пазней Biologicamente апублікаваў абнаўленне гісторыі. Сцвярджаецца, што абодвух турыстаў затрымала паліцыя ў аэрапорце. Санкцыі таксама нібыта закранулі людзей, якія выступалі ў ролі гідаў.

Афіцыйныя ўлады Амана пра затрыманне двух турыстаў у аэрапорце не паведамлялі.

Рас-эль-Хад — адно з важных месцаў гнездавання марскіх чарапах у Амане. Па іроніі лёсу, гэтымі ж днямі ў правінцыі праходзіў спецыяльны форум «Экалагічнае заканадаўства: разам дзеля абароны чарапах». На ім прадстаўнікі прыродаахоўнага ведамства, пракуратуры і навукоўцы якраз абмяркоўвалі ахову чарапах і адказнасць за парушэнні ў дачыненні да дзікай прыроды.

Каментары11

  • Імя
    28.09.2026
    Багатая дурнямі зямля, ніяк не пераводзяцца. Правілы не чытаў, мазгамі не карыстаўся, думаў інстаграмам.
  • Усходнія народы цяжка зразумець
    28.09.2026
    Вось той спартсмен і фітнэс-трэнер катаецца па Аманах.
    А ў бусікі заганяюць пузатых дзядзечак, калі яны з гастранома ідуць.
  • Беларус
    28.09.2026
    А дзе дзеліся аматары нязламных абагульненняў?

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць