Трамп заявіў пра моцную асабістую непрыязнасць паміж Зяленскім і Пуціным
Прэзідэнт ЗША заявіў, што Пуцін хоча заключыць пагадненне больш, чым Зяленскі.
Прэзідэнт ЗША Дональд Трамп заявіў пра «моцную непрыязнасць» паміж прэзідэнтам Расіі Уладзімірам Пуціным і ўкраінскім лідарам Уладзімірам Зяленскім. Пра гэта ён сказаў падчас выступу перад прыхільнікамі Рэспубліканскай партыі ў штаце Агаё напярэдадні лістападаўскіх выбараў у Кангрэс ЗША, піша РБК.
«Паміж двума лідарамі існуе вельмі моцная ўзаемная непрыязнасць», — сказаў ён.
Нягледзячы на гэта, кіраўнік Белага дома заявіў, што мірнае пагадненне «будзе заключана».
Перад вылетам у Агаё Трамп сказаў, што Масква і Кіеў хочуць заключыць пагадненне, але «не ведаюць як».
«Але мы даможамся таго, каб яны заключылі пагадненне», — дадаў ён.
Пры гэтым прэзідэнт ЗША заявіў, што Пуцін «хоча заключыць пагадненне больш, чым Зяленскі».
Акрамя таго, адказваючы на пытанні журналістаў, амерыканскі лідар заклікаў Зяленскага засяродзіцца на заключэнні пагаднення, а не на размовах пра яго.
«І вось што я думаю. Зяленскаму варта засяродзіцца на заключэнні пагаднення, а не на размовах пра гэта», — сказаў ён.
Гэта не першы раз, калі прэзідэнт ЗША заяўляе пра непрыязнасць паміж расійскім і ўкраінскім лідарамі. Аналагічную думку ён выказваў у сакавіку падчас сустрэчы з канцлерам Германіі Фрыдрыхам Мерцам у Белым доме.
-
«Я пісаў маме, а яна ўжо была мёртвая» — гісторыі загінулых пасля ўдару па Новай Вадалазе на Харкаўшчыне
-
У Новай Маскве ў выніку атакі беспілотнікаў пашкоджаныя паліклініка і жылыя дамы. У Серпухаве атакаваны арсенал Мінабароны Расіі
-
Зяленскі заявіў пра гатоўнасць да мірнага пагаднення з размежаваннем па цяперашняй лініі фронту
Цяпер чытаюць
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы55
Каментары
- Да испитывал, он мне сказал - Такую лишнюю непрыязнь я испитываю к потерпевшему, што кушать не могу