Падрабязнасці выкрадання подпісаў «Гавары праўду»
Актывісты кампаніі падчас
Актывісты кампаніі «Гавары праўду» падчас прэс‑канферэнцыі 8 ліпеня ў Строчыцах прадставілі журналістам копіі 100 тысяч скрадзеных подпісаў і распавялі пра падрабязнасці таямнічага выкрадання.
Актывісты кампаніі «Гавары праўду» падчаспрэс-канферэнцыі 8 ліпеня ў Строчыцах паказалі журналістам копіі 100 тысяч скрадзеных подпісаў.
«Ад самага пачатку ў нас былі праблемы: ператрусы, затрыманні і спробы сарваць збор, — расказвае Міхась Башура. — Мы пісалі скаргі і заявы, яны альбо не разглядалі іх, альбо марудзілі з гэтай справай».
Міхась Башура расказаў, што пасля акцыі па ускладанні кветак на вайсковых могілках 3 ліпеня яго машына была эвакуявана і пастаўлена на тэрыторыі Савецкага РУУС. Падставаў для затрымання не было. Заўтра а 10-й гадзіне на тэрыторыі Савецкага РУУС будзе праходзіць вобшук машыны.
Ключы ад кватэры, з якой былі скрадзены подпісы, знаходзіліся менавіта ў гэтай машыне. Перад тым як машыну апячаталі 6 ліпеня, Міхась Башура бачыў сваю машыну і заўважыў пэўныя змены сярод рэчаў, якія там знаходзіліся. Таму ёсць падставы меркаваць, што машыну адмыкалі, ключы ад кватэры забралі і з дапамогай менавіта гэтых ключоў кватэру адамкнулі.
«Тым не менш, мы працягваем працаваць і паспрабуем заўтра не дазволіць забраць гэтыя подпісы з машыны» — сказаў Міхась Башура. З ягоных словаў,
70 000 подпісаў скралі з кватэры, знятай для падліку перад перадачай у Мінгарвыканкам, 20 000 знаходзіліся ў багажніку машыны, якая была эвакуяваная з двара, дзе стаяла без парушэння правілаў, 10 000 канфіскаваныя падчас ператрусу ў офісе. Апроч копій дадзеных подпісаў, захавалася і частка арыгіналаў, каля 5 тысяч.
«Быкаў — гэта агульнанацыянальная каштоўнасць, — дадаў Уладзімір Някляеў. — Не ў колькасці справа, а ў супярэчанні народа і дзяржавы. Якая мэта, што яны залезлі і забралі гэтыя подпісы, што гэта прынцыпова мяняе? Ну, добра, можа быць нейкая задача стаяла сказаць, што кампанія «Гавары праўду» — гэта балбатуны і нічога не зрабілі. Але не, мы сабралі каля 100 тысяч подпісаў.
Зрэшты, не кампанія «Гавары праўду» збірае гэтыя подпісы. Збірае, іх па сутнасці, беларускі народ, і што яны зрабілі — яны плюнулі ў твар не Някляеву, не кампаніі, а народу».
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА16
Каментары