14 жніўня на цэнтральнай алеі сталічнага парка Чалюскінцаў пройдзе акцыя па пошуку гаспадароў для безнаглядных сабак і катоў (пачатак у 13.00). Акцыя арганізавана грамадскім аб’яднаннем абароны жывёл «Эгіда» і прымеркавана да Міжнароднага дня бяздомных жывёл (16 жніўня).
Як паведаміла БелаПАН валанцёр ГААЖ «Эгіда» Вольга Кур’ян, асноўная мэта акцыі — знайсці гаспадароў бяздомным жывёлам, якія знаходзяцца на папячэнні грамадскай арганізацыі. Усяго ў парк будуць прывезены 40 катоў і 60 сабак. Усе жывёлы здаровыя, большасць — прышчэпленыя і стэрылізаваныя. У парку таксама будзе працаваць ветэрынар, які бясплатна дасць уласнікам жывёл неабходную інфармацыю аб кармленні і доглядзе новага пітомца.
Як паведаміла Кур’ян, ахвотнікі стаць гаспадарамі жывёл павінны мець пры сабе дакументы. Наведвальнікі акцыі таксама могуць дапамагчы бяздомным сабакам і катам, пакінуўшы для іх у спецыяльнай палатцы корм, лекі, амуніцыю, пераноскі і іншае.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?37
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары