У Брэсце мужчына з хуліганскім намерам пашкодзіў стэнд з партрэтам прэтэндэнта на прэзідэнцкую пасаду Яраслава Раманчука,
паведаміў актывіст Аб’яднанай грамадзянскай партыі (АГП) Марат Несцярэнка — каардынатар выбарчага штаба Раманчука ў Брэсце.
Паводле яго слоў, інцыдэнт адбыўся каля дзвюх гадзін дня 16 кастрычніка каля гандлёвага цэнтра «Усход» на Партызанскім праспекце, дзе праводзіўся пікет у падтрымку вылучэння Раманчука.
Нецвярозы мужчына сярэдніх гадоў на мыліцах падышоў да стэнда і некалькі разоў стукнуў па ім, пашкодзіўшы стэнд і партрэт.
Член ініцыятыўнай групы, які працаваў на пікеце, выклікаў міліцыю. Супрацоўнікі праваахоўных органаў склалі ў дачыненні да мужчыны адміністрацыйны пратакол па арт. 17.1 КОАП (дробнае хуліганства).
«Гэта першы такі выпадак падчас збору подпісаў. У цэлым ён праходзіць спакойна», — адзначыў Несцярэнка. Паводле яго слоў, у Брэсце за Раманчука падпісалася больш за 4 тыс. чалавек.
Як падкрэсліў каардынатар выбарчага штаба Раманчука ў Брэсце, з 3 кастрычніка ў горадзе штодзень праводзіцца чатыры пікеты. Акрамя таго, з 30 верасня вядзецца збор подпісаў па месцы жыхарства выбаршчыкаў.
«Нам пастаўлена задача сабраць шэсць тысяч подпісаў. Але, я думаю, мы збярэм не менш за сем тысяч. Людзі сталі яшчэ больш актыўна падтрымліваць вылучэнне Яраслава Раманчука пасля таго, як 9 кастрычніка ў Брэсце ён разам з лідарам нашай партыі Анатолем Лябедзькам узяў удзел у пікеце па зборы подпісаў і пагутарыў з жыхарамі горада», — заявіў Несцярэнка.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам11
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары