Ад лістапада колькасць авіярэйсаў паміж Беларуссю і Украінай павялічыцца да дзесяці ў тыдзень.
Кампанія «АэраСвіт — Украінскія авіялініі» з 1 лістапада прыступае да выканання ўласных палётаў у нашу сталіцу. Адсюль і вышэйназванае сумеснае павелічэнне — у паўтара раза — колькасці рэйсаў паміж Кіевам і Мінскам.
Падчас зімовай навігацыі «АэраСвіт», што базіруецца ў кіеўскім аэрапорце «Барыспаль», будзе выконваць рэйсы ў нашу сталіцу тройчы на тыдзень — па панядзелках, серадах і суботах. Яны дапоўняць штодзённыя рэйсы па маршруце Мінск — Кіеў — Мінск кампаніі «Белавія», якая базіруецца ў Нацыянальным аэрапорце Мінск.
Цяпер чытаюць
Беларускую мову на ЦТ выбірае ўсё меншая доля выпускнікоў школ. Калі 20 гадоў таму яе здавала амаль палова, цяпер — толькі кожны шосты3
Каментары