Рэдакцыя недзяржаўнай газэты ў чарговы раз вымушана была зьмяніць адрас: «Віцебскаму кур'еру» адмовілі ў працягу арэнды на былым месцы – у таксаматорным парку па вуліцы Гагарына.
Рэдакцыя недзяржаўнай газэты ў чарговы раз вымушана была зьмяніць адрас: «Віцебскаму кур'еру» адмовілі ў працягу арэнды на былым месцы – у таксаматорным парку па вуліцы Гагарына.
Цяпер рэдакцыя месьціцца ў адміністрацыйным будынку №120 па Маскоўскім праспэкце. Станоўчым момантам гэтага апошняга пераезду супрацоўнікі лічаць тое, што на новым месцы рэдакцыі дазволена арэндаваць тры пакоі, тым часам як у канторы таксапарку даводзілася задавальняцца двума.
Тым ня менш, гэта ўжо другі вымушаны пераезд цягам апошняга году – летась у лістападзе гарадзкія ўлады загадалі «Віцебскаму кур'еру» выехаць з будынку Культурна-дзелавога цэнтру «Віцебск», дзе рэдакцыя мясьцілася апошнія 10 год.
Ад таго часу «Віцебскі кур'ер» мае праблемы ня толькі з арэндай памяшканьняў, гаспадары якіх апасаюцца здаваць вольныя плошчы недзяржаўнай газэце, але й з падпіскай ды распаўсюдам. У Віцебску газэту можна набыць толькі ў прыватных распаўсюднікаў або падпісацца на яе праз банк, прыватным чынам – пошта падпіску на «Віцебскі кур'ер» не прымае, і ў шапіках «Саюздруку» яго прадаваць забаронена.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары