Старшынька ЦВК адкрыла сёння Інфармацыйны цэнтр па выбарах.
Кіраўнік ЦВК Лідзія Ярмошына, выступаючы на адкрыцці Інфармацыйнага цэнтра, пракаментавала тое, як праходзіць кампанія выбараў у прэзідэнты.
12% выбарцаў, якія прагаласавалі датэрмінова, Ярмошына назвала «традыцыйным працэнтам яўкі». «Кампанія праходзіць нармальна, а ўсе драмы разгортваюцца ў інтэрнэце», выказала сваё меркаванне кіраўніца ЦВК.
Лідзія Ярмошына заявіла, што некаторыя скаргі, якія ЦВК атрымлівае ад назіральнікаў, выглядаюць на спланаваную акцыю. Яна кажа, што згаданыя акты складаюцца з аднолькавага тэксту пра тое, што назіральнікам не дазваляюць сачыць за скрынямі ноччу.
«Ніхто не павінен дазваляць такога. Усе спробы заставацца на ўчастках на ноч — гэта запланаваныя правакацыі», — заявіла Ярмошына.
У гэтым выпадку назіральнікі паступаюць незаконна, адзначыла старшыня ЦВК. Ярмошына таксама паведаміла, што ЦВК разглядае 2 заявы пра тое, што выбарцаў прымушалі да датэрміновага галасавання.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары