Справа па абвінавачванні старшыні «Маладога фронту» Зміцера Дашкевіча і лідэра Менскай арганізацыі МФ Эдуарда Лобава, хутчэй за ўсё, 18–19 лютага будзе перададзеная ў суд.
Аб гэтым напісаў Эдуард Лобаў ў лісце Тацяне Шапуцька.
Зміцер Дашкевіч і Эдуард Лобаў, абвінавачаныя ў злосным хуліганстве, знаходзяцца ў Жодзінскай турме. Эдуард Лобаў піша, што ўмовы ў турме не горшыя, чым у войску, а можа, нават і лепш. Паўмесяцы таму за адмову сведчыць на маладафронтаўцаў Лобава пагражалі перавесці ў іншую камэру, дзе з ім сукамэрнікі расправяцца. «Але вось ужо, дзякуй Богу, прайшло паўмесяцы, мы атрымлівалі ад яго іншыя лісты, — усё спакойна», — кажа Тацяна Шапуцька. Праўда, сваякам хлопца не аддаюць асабістыя рэчы.
Зміцер Дашкевіч спадзяецца, што хутка справа перададуць у суд і яго перавядуць у Менск. І таксама паведамляе на волю, што ўмовы ў Жодзіна лепшыя, чым на Валадарцы: няма такой перанаселенасці. У Дашкевіча ў камеры на 12 чалавек ёсць 10 ложкаў. «Але ў інфармацыйным плане ў Жодзіна куды горш: ніякая інфармацыя з волі не прасочваецца. Лісты да Зміцера не даходзяць, кнігі не прымаюць: у Жодзіна ёсць свая бібліятэка», — распавяла Тацяна Шапуцька.
Літаральна 31 студзеня ў Жодзіна ездзіў адвакат Павел Сапелка і прысутнічаў на допыце Зміцера Дашкевіча — моладзевага лідэра дапытвалі як сведку па справе аб масавых беспарадках. Існуюць асцярогі, што і Дашкевіча могуць перавесьці ў статус «арганізатара масавых беспарадкаў». Цяпер лідэр МФ знаходзіцца ў статусе абвінавачанага — па справе аб хуліганстве і сведкі — па справе аб масавых беспарадках.
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары