Як паведамілі некаторыя СМІ, Нацбанк ўнёс кіраўніцтву краіны прапанову адмяніць льготы па абавязковым продажы часткі валютнай выручкі. Некаторыя экспарцёры, такія, напрыклад, як «Беларуськалій», прадаюць на біржы не 30% валютнай выручкі, як гэта робіць большасць, а менш.
Валютнай выручкай экспарцёраў зацікавіліся і мінскія ўлады. 7 красавіка раённыя адміністрацыі сталіцы накіравалі буйным экспарцёрам лісты з пазнакай «тэрмінова», у якіх утрымліваецца просьба прадаставіць інфармацыю аб стане валютных сродкаў на іх рахунках.
На думку аналітыкаў, гэта прыкмета таго, што экспарцёраў прымусяць прадаваць на біржы больш валюты, чым гэта прадугледжана дзеючым заканадаўствам.
Каментары