Уласнік гандлёвага дома разрывае арэнду з 300 прадпрымальнікаў і аддае плошчы «Еўрагандлю».
На сходзе 7 чэрвеня прадпрымальнікі, якія працуюць на мінскім рынку «Малінаўка», вырашылі правесці 15 чэрвеня папераджальны страйк.
Гандляры першага паверха гандлёвага цэнтра «Малінаўка» вырашылі 15 чэрвеня выйсці на працоўныя месцы, але не працаваць. Так будзе выглядаць іх папераджальны страйк. Калі яны не дамогуцца выканання сваіх патрабаванняў, то падчас гэтага страйку будзе прынятае рашэнне пра акцыю пратэсту на вуліцы. Пра гэта паведаміла «Свабодзе» адна з прадпрымальніц, спадарыня Валянціна.
Яна распавяла, што са студзеня гандляры змагаюцца за свае правы: «Першы паверх хочуць зачыніць і аддаць у арэнду „Еўрагандлю“. А там працуе каля 300 чалавек. Мы супраць таго, што заснавальнік гэтага гандлёвага аб’екта, які будаваў гэты аб’ект за нашы пазыкі, вырашыў з намі развітацца: скасаваць дамовы і заключыць дамову з адным арандатарам. У нас тут свая маёмасць, якую мы выкупілі тройчы ў рынка, тыя ж халадзільныя вітрыны, кантэйнеры. На сёння нам выдадзеныя прадпісанні гэтыя плошчы вызваліць цягам месяца. З намі скасоўваюць дамовы арэнды і нас з нашымі найманымі асобамі выкідаюць проста на вуліцу. Калі раней мы спрабавалі не сварыцца з уладамі і неяк вырашыць пытанне, то цяпер наша цярпенне лопнула».
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца8
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары