Віктар Януковіч змяніў замежнапалітычны курс краіны і дзейнічае яшчэ больш актыўна, чым Юшчанка.
Прэзідэнт Украіны Віктар Януковіч змяніў замежнапалітычны курс краіны і цяпер яшчэ больш актыўна, чым яго папярэднік на пасадзе Віктар Юшчанка, праводзіць курс на збліжэнне з НАТО. Ён абмяркоўвае з кіраўніцтвам альянса будучыню Чарнаморскага флоту Расіі, супрацьракетную абарону, прыднястроўскае ўрэгуляванне, рэформу ўкраінскай разведкі, энергетычную і эканамічную бяспеку Украіны і канцэпцыю замежнай палітыкі.
Пра гэта ў аўторак піша блізкая да Крамля газета «Камерсант», аналізуючы закрыты дакумент з графікам
Высокапастаўленая крыніца «Коммерсанта» ва ўкраінскім ўрадзе заявіла, што змены ў замежнапалітычнай арыентацыі Украіны звязаныя з расчараваннем украінскага боку ў развіцці адносін з Расеяй, у прыватнасці, адсутнасці раўнапраўнага дыялогу па энэргетычных і гандлёвых пытаннях.
«У нас была ілюзія, што калі ў адносінах з Расіяй зняць ключавыя раздражняльнікі накшталт прызнання Галадамору генацыдам, планаў ўступлення ў НАТО, нежадання працягваць прысутнасць Чарнаморскага флоту, то ўсё наладзіцца. Але гэтага не адбылося. Масква хоча, каб мы знаходзіліся ў яе арбіце і яшчэ за гэта ёй жа і даплочвалі. Узяць хоць бы Мытны саюз. Нас туды вельмі дзіўна клічуць. Нам не кажуць, што мы ад гэтага выйграем, а паказваюць на тое, што страцім і якія санкцыі ўвядуць, калі адмовімся ў яго ўступаць і, не дай бог, створым зону свабоднага гандлю з ЕС», — сказала крыніца.
Паводле яго слоў, Кіеву такі падыход не падабаецца, і, паколькі дыялогу на роўных не выходзіць, там маюць намер збліжацца з Еўропай.
«Гэта не мы аддаляеемся ад Расеі, а яна нас адштурхвае», — растлумачыў чыноўнік.
Украіна, у прыватнасці, рэфармуе армію па лекалах НАТО, каб яна магла цалкам упісацца ў альянс.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою27
Каментары