Будзе весела. У піку маўклівым пратэстам лукашэнкаўцы запусцяць на Кастрычніцкай плошчы дыскатэку
У сацыяльных сетках у адказ ужо прагучалі заклікі: «Пераканаем і далучым!» .
У рэдакцыю «Народнай волі» звярнуўся студэнт адной з мінскіх ВНУ, які папрасіў не называць яго прозвішча. Па яго словах,
адміністрацыі мінскіх навучальных устаноў атрымалі загад накіраваць 29 чэрвеня на Кастрычніцкую плошчу па 100студэнтаў-прыхільнікаў Лукашэнкі.
Прарэктар па выхаваўчай працы Беларускага дзяржаўнага ўніверсітэта фізычнай культуры Аляксей Гататулін пацвердзіў: «Заўтра на Кастрычніцкай плошчы ад 18.00 да 21.00 будзе адбывацца маладзёжная дыскатэка».
Гэта можа азначаць, што ўлады вырашылі адмовіцца ад ранейшай тактыкі застрашвання затрыманнямі. Будзе спроба пераважыць колькасцю.
У сацыяльных сетках у адказ ужо прагучалі заклікі: «Пераканаем і далучым!».Юнакі спадзяюцца ператварыць дыскатэку ў пляцоўку дыялогу.
У сацыяльных сетках гучаць заклікі прыходзіць на тыя самыя плошчы. Таксама завадатары пратэстаў заклікаюць юнакоў, якіх загоняць на дыскатэку, выходзіць з загародак і далучацца да Народных гулянняў.
У сваю чаргу, выступаючы перад выпускнікамі 28 чэрвеня, Аляксандр Лукашэнка заклікаў іх «быць патрыётамі і не паддавацца на правакацыі».
Каб стварыць «перавагу ў ліку», прадстаўнікі БРСМ абвесцілі, што звязуць на 29 чэрвеня ў Мінск пераможцаў конкурсу юных памочнікаў дружыннікаў з усёй краіны.
Цяпер чытаюць
Улады Гродна паведамілі пра выхад з ладу ліўнёўкі пад ударам стыхіі1
Каментары