Пра гэта заявіў міністр эканомікі Мікалай Снапкоў 29 чэрвеня напрэс-канферэнцыі ў Мінску.
Паводле яго слоў, за шэсць месяцаў індэкс спажывецкіх цэн па прагнозе складзе 33–34%. У цэлым, ацэньваючы сітуацыю ў краіне, міністр падкрэсліў, што эканамічны рост забяспечаны пры пагаршэнні некаторых якасных паказчыкаў.
Паводле слоў Снапкова, тэмп росту прадукцыйнасці працы за паўгода склаў 10,7%, што на 1,3% ніжэй за паказчык
Згодна з прагнозам, па выніках паўгоддзя рост прамысловай вытворчасці ў краіне складзе 10,5–10,7%. Такія паказчыкі Снапкоў растлумачыў зніжэннем тэмпаў росту нафтаперапрацоўкі. Тэмп росту аб’ёмаў сельгасвытворчасці прагназуецца на ўзроўні 3% пры зніжэнні рэнтабельнасці продажу да 2%. Міністр падкрэсліў, што гэта звязана з сезонным скарачэннем аб’ёмаў вытворчасці і ўдаражэннем імпарту бялковых кармоў. Паводле яго слоў, станоўчыя тэндэнцыі захоўваюцца ў знешнім гандлі. У прыватнасці, запаволіўся рэзкі рост адмоўнага сальда знешняга гандлю.
Акрамя таго, за пяць месяцаў гэтага года «ўпершыню за апошнія некалькі гадоў тэмп росту экспарту перавысіў тэмп росту імпарту на 4,5 працэнтнага пункта», сказаў Снапкоў.
Тэмп росту інвестыцый у асноўны капітал знізіўся да 122–123%.
Мікалай Снапкоў падкрэсліў, што гэта звязана з мерамі па збалансаванасці ўнутранага попыту.
Паводле слоў міністра, стабільная сітуацыя захоўваецца на рынку працы. Узровень беспрацоўя наблізіўся да 0,7–0,8%. «Гэта з’яўляецца сацыяльна дапушчальнай мяжой», — сказаў ён.
Таксама назіраецца тэндэнцыя зніжэння рэальных грашовых даходаў і заработнай платы. Разам з тым скарачаецца разрыў паміж тэмпамі прадукцыйнасці працы і тэмпамі росту заработнай платы. Паводле слоў Снапкова, адна з ключавых задач — каб «тэмпы росту прадукцыйнасці працы апярэджвалі тэмпы росту заработнай платы».
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты18
Каментары