У прыхільнікаў Depeche Mode з'явілася нагода з нецярпеннем чакаць прыходу восені. 2 верасня на беларускую зямлю ўпершыню ступіць нага ўдзельніка культавай брытанскай групы Эндзі Флетчэра, які адыграе ў Мінску dj-сэт.
Адзін з заснавальнікаў Depeche Mode пасля 17 гадоў супрацоўніцтва з легендарнай камандай — спачатку ў якасці бас-гітарыста, потым клавішніка і, нарэшце, нязменнага менеджэра — працягвае эксперыментаваць з гукам, але ўжо ў новым фармаце dj-сэтаў, у якіх віртуозна кампілюе электронныя сэмплы з хітамі Depeche Mode.
Канцэпцыя яго цяперашняга тура — пабываць у тых месцах, куды яшчэ не прыязджалі Depeche Mode. Да Беларусі ён паспеў выступіць у Румыніі (Бухарэст), Украіне (Кіеў, Адэса), Аўстраліі (Сіднэй, Мельбурн), Тайландзе (Пхукет), на Філіпінах (Маніла), у Сінгапуры, Інданэзіі (Джакарта), Кітаі (Пекін), Паўднёвай Карэі (Сеул), ААЭ (Дубай), Бельгіі (Эрв) і ў многіх іншых кропках свету.
"Я сапраўды атрымліваю асалоду ад дзіджэйства, — гаворыць Эндзі Флетчэр. — Гэта выдатна — атрымаць візуальны кантакт з гледачамі на невялікай пляцоўцы, у той час як з Depeche Mode я іграў перад дзясяткамі тысяч людзей. Па вялікім рахунку, я не наладжаны на пэўны стыль, але ўсе мае выступленні заснаваныя на музыцы Depeche Mode. Я буду выконваць як зусім новыя міксы Depeche Mode, так і класічныя старыя. Будуць і сюрпрызы — над некаторымі кампазіцыямі спецыяльна для маючага адбыцца дзіджэй-тура цяпер працую ў студыі".
2 верасня ў Мінску прагучаць Personal Jesus, Barrel Of A Gun, Precious і многія іншыя ўсімі любімыя песні ў эксклюзіўнай апрацоўцы праз першыя рукі. Канцэрт адбудзецца ў мінскім выставачным комплексе "Белэкспа" (вул. Купалы, 27).
Каментары