«Малады фронт» выступіў з адмысловай заявай.
Наста Палажанка і «Малады фронт» звярнуліся да ўсіх грамадзян з просьбай аб дапамозе — выратаваць лідара арганізацыі Змітра Дашкевіча.
«У горацкай калоніі № 9 калечаць чалавека. Зміцер адмовіўся ад падпісаньня ўсіх папераў, якія вялі б да прызнання ягонай віны. І, магчыма, як вынік — помста», — каментуе Наста Палажанка.
Вядома, што Зміцер Дашкевіч не першы раз ужо змешчаны ў штрафны ізалятар. Літаральна адразу па прыездзе ў горацкую калонію ён стаў злосным парушальнікам рэжыму. Магчымасць карыстання грашовымі сродкамі скарацілі яму ад 210 тыс да 35 тысыч штомесяцова. Ці пазбавілі маладога чалавека належных яму харчовых перадач і спакатканняў, пакуль невядома.
«Мы просім усіх неабыякавых людзей, у каго сэрца баліць сэрца, пісаць адміністрацыі калоніі, тэлефанаваць ім, і прасіць пакінуць у спакоі маладога чалавека, а таксама нагадваць ім пра адказнасць», — гаворыцца звароце.
«На вялікі жаль, мы фактычна нічога не ведаем пра Змітра: лісты не даходзяць, адваката выганяюць вонкі. Мы пішам дзясяткі скаргаў. Адміністрацыя калоніі мусіць адчуваць увагу да сітуацыі не толькі беларускіх грамадзян, але і палітыкаў, дзеячоў культуры, міжнароднай супольнасці, праваабарончых арганізацыяў і г.д.« — працягнула дзяўчына.
Бліжэйшым часам Зміцер і Наста маюць пабарацца шлюбам. На гэтым тыдні Дашкевічу споўнілася трыццаць гадоў.
«Малады фронт» просіць дасылаць лісты кіраўніцтву горацкай калоніі па адрасе:
Магілеўская вобласць, г. Горкі, вул Дабралюбава 16,
Кавалёву
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары