Да сябраў беларускіх выканаўцаў у сацыяльнай сетцы Facebook прыйшлі паведамленні ад імя Філа і Змітра. Cамі музыканты цвердзяць, што нічога такога не пісалі і наогул цяпер не могуць зайсці на свае старонкі. Як высветлілася, яны сталі ахвярамі віруснай атакі.
У апошнія два дні 1067 сябраў лідара гурта Drum Ecstasy Філа Чмыра атрымалі паведамленне ад музыканта па-англійску: «Вітаю! Як маецеся?». Такое ж паведамленне прыйшло да 2 872 сябраў Змітра Вайцюшкевіча. Самі выканаўцы сцвярджаюць, што нічога такога не пісалі. «Мне днямі даслала паведамленне дзяўчына нейкая. Там была спасылка на нейкі відэафайл з прыпіскай "Хочаш пасмяяцца – цісні". І я, як дурань, ціскануў, але нічога не адкрылася. Наступным разам на сваю старонку ў Facebook я ўжо зайсці не здолеў», - распавёў «Тузіну Гітоў» Зміцер Вайцюшкевіч.
Вядомы беларускі дызайнер і блогер Ігар Назаранка кажа, што музыканты сталі ахвярамі віруснай атакі. «Трэба быць вельмі асьцярожным з спасылкамі на фэйсбуке наогул, бо "вірусныя" паведамленні могуць прыходзіць ад знаёмых людзей. Рассылаюць іх альбо спамеры, якія робяць рэкламу праз сацыяльныя сеткі, каб праз твой аккаунт рэкламаваць паслугі свае. Альбо на галаву хворыя».
Каб аднавіць свой акаўнт на Facebook, адмыслоўцы раяць зрабіць новы пароль праз сэрвіс «нагадаць мне пароль» ды ўключаць пры працы антывірус.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы2
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары