Da siabraŭ biełaruskich vykanaŭcaŭ u sacyjalnaj sietcy Facebook pryjšli paviedamleńni ad imia Fiła i Źmitra. Cami muzykanty ćvierdziać, što ničoha takoha nie pisali i naohuł ciapier nie mohuć zajści na svaje staronki. Jak vyśvietliłasia, jany stali achviarami virusnaj ataki.
U apošnija dva dni 1067 siabraŭ lidara hurta Drum Ecstasy Fiła Čmyra atrymali paviedamleńnie ad muzykanta pa-anhlijsku: «Vitaju! Jak majeciesia?». Takoje ž paviedamleńnie pryjšło da 2 872 siabraŭ Źmitra Vajciuškieviča. Sami vykanaŭcy śćviardžajuć, što ničoha takoha nie pisali. «Mnie dniami dasłała paviedamleńnie dziaŭčyna niejkaja. Tam była spasyłka na niejki videafajł z prypiskaj "Chočaš paśmiajacca – ciśni". I ja, jak durań, ciskanuŭ, ale ničoha nie adkryłasia. Nastupnym razam na svaju staronku ŭ Facebook ja ŭžo zajści nie zdoleŭ», - raspavioŭ «Tuzinu Hitoŭ» Źmicier Vajciuškievič.
Viadomy biełaruski dyzajnier i błohier Ihar Nazaranka kaža, što muzykanty stali achviarami virusnaj ataki. «Treba być vielmi aściarožnym z spasyłkami na fejsbukie naohuł, bo "virusnyja" paviedamleńni mohuć prychodzić ad znajomych ludziej. Rassyłajuć ich albo spamiery, jakija robiać rekłamu praz sacyjalnyja sietki, kab praz tvoj akkaunt rekłamavać pasłuhi svaje. Albo na hałavu chvoryja».
Kab adnavić svoj akaŭnt na Facebook, admysłoŭcy rajać zrabić novy parol praz servis «nahadać mnie parol» dy ŭklučać pry pracy antyvirus.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary