Сікорскі заклікае Лукашэнку пачаць перамовы аб мірнай перадачы ўлады
Паводле меркавання кіраўніка МЗС Польшчы, трэба браць прыклад з апошняга лідара камуністычнай Польшчы Войцеха Ярузельскага.
Міністр замежных спраў Польшчы Радаслаў Сікорскі заклікаў Аляксандра Лукашэнку пачаць перамовы аб мірнай перадачы ўлады і «не чапляцца за яе падобна жорсткім правіцелям у Паўночнай Афрыцы»,піша газета Financial Times.
У інтэрв’ю лонданскай рэдакцыі выдання дыпламат сказаў, што
«прычынай эканамічных цяжкасцяў і палітычнай ізаляцыі Беларусі з’яўляецца сістэма «луканомікі».
«Таму я веру, што прадмет для абмеркавання са спадаром Лукашэнкам — гэта пераход Беларусі да дэмакратыі і яго належны сыход ад улады», — заявіў Сікорскі.
Лукашэнку, паводле меркавання Сікорскага, трэба браць прыклад не з егіпецкага і лівійскага лідараў Хосні Мубарака і Муамара Кадафі, а з апошняга лідара камуністычнай Польшчы Войцеха Ярузельскага, які пакінуў сваю пасаду пасля таго, як было дасягнута пагадненне аб правядзенні дэмакратычных выбараў.
Акрамя таго, кіраўнік замежнапалітычнага ведамства Польшчы адзначыў, што Еўрасаюз правільна зрабіў, калі не выключыў Беларусь з праграмы «Усходняе партнёрства» нягледзячы на рэпрэсіі Лукашэнкі супраць апазіцыі.
«Мы лічым, што механізмы і перавагі «Усходняга партнёрства» пойдуць на карысць беларускаму народу», — заявіў Сікорскі.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам11
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары