Беларускі праграміст заняў 2-е месца на Google Code Jam — 2011
У Токіа завяршыўся фінал прэстыжнага спаборніцтва Google Code Jam — 2011, на якім у тройку найлепшых трапіў беларус Іван Мяцельскі.
За другое месца беларускі праграміст атрымаў 2 тысячы даляраў узнагароды. Мяцельскі таксама адзначыў, што адна з мэтаў гэтага конкурсу — гэта імавернае ўладкаванне ў кампанію Google.
У Google Code Jam, міжнародных спаборніцтвах, якія Google праводзіць з 2003 года, Мяцельскі ўдзельнічаў неаднаразова, у 2008 ён заняў па выніках фіналу 8 месца, а цяпер трапіў і ў залік лідараў.
Першае месца на спаборніцтве заняў Макота Сайзіма з Японіі, другое — Іван Мяцельскі з Беларусі, а трэцяе — Якуб Пахноцкі з Польшчы. Астатнія месцы ў першай дзясятцы атрымалі ўдзельнікі з Расіі.
Цяпер чытаюць
«Анліфаншчыца з Пінска» кажа, што яна не анліфаншчыца і не ў рабстве ў М'янме9
Каментары