Цэлае поле дзікарослых канопляў расло ў межах Слоніма + фота
Каля дваццаці сотак наркатычнай расліны расло непадалёк ад ажыўленай трасы.
У Слоніме Гродзенскай вобласці супрацоўнікі мясцовага РАУС выявілі і знішчылі цэлае поле дзікарослых канопляў. Каля дваццаці сотак наркатычнай расліны расло ў межах... горада, непадалёк ад ажыўленай трасы.
Дзялянку выявіла група наркакантролю і супрацоўнікі КДБ, якія прынялі рашэнне неадкладна знішчыць расліну.
Пры дапамозе трактара каноплі зрэзалі, перамалолі адмысловай тэхнікай, вывезлі і закапалі. Усяго было знішчана каля тоны наркасыравіны.
Зараз праваахоўныя органы будуць разбірацца, ці вырасла пустазелле само, або яго хтосьці наўмысна пасадзіў. У любым выпадку,
мяркуючы па зламаных верхавінах, а таксама пратаптаных дарожках, відавочна, што хтосьці выявіў "поле цудаў" раней за міліцыю.
Нагадаем, што дзікія каноплі таксама лічацца наркотыкам. І за захоўванне канабіса можна пазбавіцца волі на тэрмін ад 2 да 5 гадоў. А за збыт і распаўсюджванне - ад 5 да 13 гадоў.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары