Дырэктар установы «За Аўто» сумняецца, што чарговае падаражэнне паліва выкліча пратэст аўтамабілістаў.
Чарговае павышэнне рознічных цэн на нафтапрадукты ў сярэднім на 3%, што, як чакаецца, адбудзецца 14 верасня, наўрад ці выкліча пратэстныя акцыі беларускіх аўтамабілістаў «Стоп-бензін».Такое меркаванне выказаў дырэктар інфармацыйна-асветніцкай установы «За Аўто» Арцём Шаркоў.
На яго думку, цяпер беларуская
грамадскасць «знаходзіцца ў нейкай спячцы».«Магчыма, людзі яшчэ не адышлі ад лета, а магчыма, пытанні пражыцця і нарыхтоўкі на зіму людзей цяпер хвалююць больш, чым іншыя паўсядзённыя пытанні», - адзначыў Шаркоў.
У грамадстве назіраецца момант «абстрагавання ад гэтай сітуацыі не толькі ў асяроддзі аўтааматараў", сказаў кіраўнік установы. Ён лічыць, што
«усе замерлі ў чаканні таго, што будзе на валютным рынку краіны,і гэта ўплывае на праява грамадзянскай актыўнасці».
«Людзі чакаюць нейкае пэўнасьці, - адзначыў Шаркоў. - Цяпер у людзей поўная разгубленасць, неразуменне таго, што ж будзе пасля сесіі 14 верасня. Людзей больш хвалюе пытанне, што яны будуць есці зімой, і як яны яе наогул перажывуць».
Цяпер чытаюць
Беларускую мову на ЦТ выбірае ўсё меншая доля выпускнікоў школ. Калі 20 гадоў таму яе здавала амаль палова, цяпер — толькі кожны шосты20
Каментары