Мінабароны вырашыла пайсці насустрач прызыўнікам і ўлічваць іх густы. Як піша газета «Известия», зараз замест нялюбай пярловай кашы салдаты будуць есці грэчку і рыс.
Рашэнне пазбавіць салдацкія сталовыя «невысакародных» круп прыняў асабіста міністр Анатоль Сердзюкоў, паведамілі выданню ў ведамстве. Кампаніям, якія адказваюць за харчаванне ў войску, каб укласціся ў бюджэты, давялося перапісваць меню і нават звальняць кухараў.
«Цана аднаго кілаграма грэчкі 105 рублёў, пярлоўкі — 20 рублёў. Розніца — у пяць разоў. Нам нават давялося скараціць персанал на 20%, каб улезці ў зацверджаны ваеннымі бюджэт», — расказалі газеце ў адной з кампаній, якая выйграла тэндар на арганізацыю харчавання ў некалькіх вайсковых частках.
Цяпер знайсці пярлоўку ў сваёй талерцы салдаты змогуць толькі ў расольніку — парушаць рэцэптуру адзінага супу, у склад якога ўваходзіць пярловая крупа, кухары не збіраюцца.
Цяпер чытаюць
У Кіеве за шпіянаж арыштавалі беларускую журналістку Іну Кардаш. Кажуць, з 2015 года яна працавала на КДБ10
Каментары