Крэймер: Набліжаныя Лукашэнкі пыталіся ў замежных дыпламатаў, куды Лукашэнка мог бы ўцячы
Былы памочнік дзяржсакратара ЗША заявіў пра гэта ў часе прэзентацыі даклада «Дэмакратычныя змены ў Беларусі: рамкавая праграма дзеяння».
У сваім выступе падчас прэзентацыі ў Вашынгтоне дакладу «Дэмакратычныя змены ў Беларусі: рамкавая праграма дзеяння» прэзідэнт няўрадавай арганізацыі Freedom House Дэвід Крэймер, у прыватнасці, заявіў, што валодае інфармацыяй аб тым, што летам 2011 года людзі з атачэння Лукашэнкі звярталіся да заходніх дыпламатаў з пытаннем пра тое, як ім спыніць эканамічны і палітычны ціск на Беларусь з боку Захаду.
«Мінулым летам паплечнікі Лукашэнкі — і я не ведаю, ці было гэта зроблена з яго ведама ці не, — таксама пыталіся ў замежных дыпламатаў, куды Лукашэнка мог бы ўцячы.Калі гэта сапраўды так, то такія паводзіны прадстаўнікоў беларускага рэжыму нагадваюць уцёкі пацукоў з карабля, які тоне. Гэта значыць, што дні Лукашэнка палічаныя «, — адзначыў дырэктар Freedom House.
Раней Крэймер працаваў памочнікам дзяржсакратара ЗША (адпаведнік беларускага намесніка міністра замежных справаў).
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?18
Каментары