Выйшаў том Зьмітрака Бядулі ў залатой сэрыі "Беларускага кнігазбору" і новая кніга Людкі Сільновай.
Сільнова Людка. Крышталёвы сад: кніга крытыкі. Менск: Выдавец: І. П. Логвінаў, 2006. — 144 с. (Другі фронт мастацтваў).
Кніга складаецца зь некалькіх частак. Друкуецца маніфэст транслінгвізму і псыхадэлічнага літаратуразнаўства «Крышталёвы сад».
Другая частка — «Літаратурныя партрэты». Тут — пра Надзею Артымовіч і Алега Бембеля, Юр’я Гуменюка і Ігара Бабкова, Юрку Голуба і Уладзімера Дубоўку, Яўгенію Пфляўмбаўм і Вольгу Седакову.
Трэцяя частка зьмяшчае рэцэнзіі на кнігі Пётры Васючэнкі, Уладзімера Арлова, Леры Сом, а таксама фільм «2001 Касьмічная адысэя» Стэнлі Кубрыка.
Друкуюцца мініятуркі‑абразкі «Запісы за кухоннай фользе», інтэрвію, дадзенае часопісу «Першацьвет» ды інш.
Шукайце ў незалежных распаўсюднікаў
❏
Бядуля Зьмітрок. Выбраныя творы. Менск: Кнігазбор, 2006. — 496 с.
У кнізе зьмешчаныя вершы ўраджэнца сёньняшняга вялейска‑лагойскага памежжа, аповесьці «Салавей», «У дрымучых лясах», некалькі апавяданьняў уключна з хрэстаматыйнымі «Пяцьцю лыжкамі заціркі». Друкуецца публіцыстыка 1917‑1919 гг., у ліку і «любімая кніга» прапагандыстаў з БТ «Жыды на Беларусі».
Укладаньне, прадмова і камэнтары Ўладзімера Казьберука.
Гэтую кнігу шукайце ў кнігарнях.
Беларусы сустракаюць вызваленых палітвязняў у Вільні ФОТЫ і ВІДЭА3
Каментары