Супрацоўніца банка прысабечвала грошы дабрачыннага фонду «Любчанскі замак»
У яе кішэні «асела» амаль 200 мільёнаў рублёў людскіх ахвяраванняў.
Недастачу на рахунку выявіў старшыня фонду Іван Пячынскі. Ён давяраў супрацоўніцы банка і не заўсёды правяраў лічбы, запісаныя ў бланку пераводу грошай з рэальнымі сумамі, якія людзі ахвяравалі на аднаўленне помніка архітэктуры. Спадар Пячынскі кажа, што махлярства працягвалася некалькі год. Зараз ідзе следства, ужо праводзілася вочная стаўка, супрацоўніца банку прызнала сваю віну.
Намесніца старшыні Навагрудскага аддзялення «Белаграпрамбанка» Яніна Новік адмовілася назваць суму, якая не дайшла да рахунку дабрачыннага фонду, аднак адзначыла, што, пакуль ідзе следства, супрацоўніца адхіленая ад працы ў банку.
* * *
Дабрачынны фонд «Любчанскі замак» заснаваны ў 2003 годзе па ініцыятыве мясцовых жыхароў і выхадцаў з мястэчка Любча. Асноўнымі мэтамі фонда з’яўляюцца спрыянне кансервацыі, рэстаўрацыі і прыстасаванню помніка архітэктуры
Дзейнасць фонду падтрымалі Міністэрства культуры, Навагрудскі райвыканкам, Любчанскі пасялковы савет, Інстытут гісторыі Акадэміі навук, ТАА «Татат», ААТ «Прыёрбанк», ЗП «Вэлком», ТАА «Цэнтр па рэгенерацыі
За час існавання фонду адрэстаўравана Кутняя вежа замка (пач. XVII ст.) з поўным аднаўленнем фахверкавай прыбудовы, вядуцца работы па рэстаўрацыі інтэр’ераў вежы, адноўлены на вышыню 1 м абарончы мур паміж дзвюма захаванымі вежамі — Брамнай і Кутняй, заменена пакрыццё даху Брамнай вежы, распачаты новыя археалагічныя даследаванні замка, добраўпарадкавана тэрыторыя замчышча і парка, закансервавана для наступнай рэстаўрацыі паркавая брама.
Цяпер чытаюць
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?2
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1818
Каментары