А таксама – караць за дармаедства і «здаваць» суседзяў.
Каб набыць танную прадукцыю Баранавіцкага малочнага завода, у чарзе даводзіцца стаяць гадзінамі, піша «Звязда». Прычына — у кантрабандыстах, якія перапрадаюць тавары за мяжу, лічыць журналістка Святлана Яскевіч.
«Пакуль ёсць розніца ў цэнах, людзі будуць імкнуцца на гэтым зарабіць. Нават калі забароняць вывозіць тавары цераз афіцыйныя пераходы, кантрабандысты знойдуць лясныя сцяжыны».
Як выйсце з гэтага, журналістка прапануе… ўвесці нормы ўжывання малочных прадуктаў на сям’ю. «Дык, можа, час увесці нейкія разумныя нормы ўжывання, скажам, малочных прадуктаў на сям’ю? Рэгуляваць працэс можна пры дапамозе талонаў, якія магчыма выдаваць па месцы працы, а пенсіянерам — праз органы сацыяльнага забеспячэння?»
Сп. Яскевіч таксама наракае на «так званых беспрацоўных», якія, нідзе не працуючы, маюць грошы на казіно і начныя клубы, будуюць дамы і купляюць кватэры. І не плацяць падаткі ў бюджэт.
І тут журналістка прапануе звярнуцца да савецкага вопыта: «У некаторых выпадках не такой ужо недэмакратычнай выглядае былая законная практыка, калі за дармаедства маглі прыцягнуць да адказнасці». Апроч гэтага, журналістка прыводзіць прыклад «іншых краінаў», у якіх «суседзі першымі паведамяць у адпаведныя органы аб тым, што сусед падманвае дзяржаву».
Выклікае трывогу, што падобны артыкул з’явіўся ў дзяржаўнай прэсе. Магчыма, дзяржаўныя органы пачынаюць рыхтаваць насельніцтва да яшчэ большага адкату ў савецкае мінулае.
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
-
Лукашэнка паводзіць сябе ў «макдональдсе» як у савецкай сталоўцы. І думае, што гэта крута
-
Пуцін ужо павіншаваў Маджтабу Хаменеі, а Лукашэнка не. Чаго чакае?
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары