А прычынай дэфіцыту мяса былі рэкордныя пастаўкі ў Расію.
У 2011 годзе Беларусь, згодна з кантрактамі, абавязалася паставіць на экспарт у Расію 20 тыс. т свініны, аднак па факце пастаўкі ўжо склалі 45 тыс. т,паведаміла сёння першы намеснік міністра сельскай гаспадаркі Надзея Каткавец. Пры гэтым яна адзначыла, што Беларусь ужо вычарпала ўсю вылучаную ў рамках Мытнага саюза на 2011 год квоту — 60 тыс. тон — па імпарце свініны з трэціх краін (Польшча, ФРГ, Нідэрланды). Яшчэ каля 20 тыс. т было імпартавана прадпрыемствамі — рэзідэнтамі свабодных эканамічных зон.
«Складваецца цэнавая палітыка, што на $0,8 — $1 пры імпарце цана меншая, таму прадпрыемствы маюць магчымасць паправіць сваю эканоміку», — прызнала Каткавец выкарыстанне схемы «імпартуем танней, экспартуем даражэй» нават у шкоду пастаўкам мясных прадуктаў на ўнутраны рынак краіны.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага6
Каментары