Агляд «Факты і лічбы», апублікаваны 8 лютага Статыстычнай службай Эўрапейскіх супольнасьцяў, утрымлівае аналіз 23 сэктараў эўрапейскага бізнэсу.
Агляд «Факты і лічбы», апублікаваны 8 лютага Статыстычнай службай Эўрапейскіх супольнасьцяў, утрымлівае аналіз 23 сэктараў эўрапейскага бізнэсу.
Паводле дадзеных аналізу, у 19 з 23 сэктараў эўрапейскага бізнэсу задзейнічана больш мужчынаў, чым жанчынаў. Мужчынаў істотна больш у будаўніцтве (92% супрацоўнікаў) і горназдабыўнай прамысловасьці (90%). Жанчынаў болей у тэкстыльнай, швейнай і абутковай прамысловасьці (65%), розьнічным гандлі (61%), гатэльным і рэстаранным бізнэсе (55%) і фінансавых паслугах (51%).
Найбольшая доля маладого пэрсаналу ўва ўзросьце ад 15 да 29 гадоў назіраецца ў гатэльным і рэстаранным бізнэсе (36% супрацоўнікаў) і розьнічным гандлі (31%). У сэктарах нерухомасьці і арэнды зафіксаваная найбольшая доля людзей старэйшых за 50 год (29%).
На машынабудаўнічую і аўтамабільную галіны ЭЗ прыходзіцца 172 млрд. эўра прыбавачнай вартасьці і 3 млн. працоўных месцаў. Лідэрскія пазыцыі ў сэктары займае Нямеччына (48% усёй прыбавачнай вартасьці), Францыя (14%) і Злучанае Каралеўства (9%). Прадукцыйнасьць працы ў галіне складае 58,7 тыс. эўра на супрацоўніка; пры гэтым яна вагаецца ад 5,7 тыс. эўра (Літва) да 78,3 тыс. эўра (Аўстрыя). Сярэдняя вартасьць працы складае 43,9 тыс. эўра на супрацоўніка, вагаючыся ад 2,4 тыс. эўра (Літва) да 58,6 тыс. эўра (Нямеччына).
На паштовыя паслугі і паслугі сувязі і тэлекамунікацыяў прыходзіцца 232 млрд. эўра прыбавачнай вартасьці і 3 млн. працоўных месцаў. Лідэрскія пазыцыі ў сэктары захоўваюцца за Нямеччынай і Злучаным Каралеўствам (па 19% усёй прыбавачнай вартасьці ў галіне) і Францыяй (15%).
Статыстычная служба Эўрапейскіх супольнасьцяў (Эўрастат) рэгулярна публікуе агляд эўрапейскага бізнэсу. Цяперашняя публікацыя зробленая на падставе дадзеных 2003‑2005 гг.
Цяпер чытаюць
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў45
Каментары