Новых затрыманых няма.
Як паведаміў следчы Упраўлення Следчага камітэта па Брэскай вобласці Аляксей Вячорка, Юлю Ляшук з в. Лядзец Столінскага раёна працягваюць шукаць.
Нагадаем, 13-гадовая школьніца 1 студзеня каля гадзіны ночы сышла з хаты ў мясцовы Дом культуры і не вярнулася. 4 студзеня быў затрыманы мужчына, які мог мець дачыненне да знікнення дзяўчынкі. Але праз два дні яго адпусцілі: кроў, знойдзеная на ім, не належыць Юле.
Крымінальная справа заведзена па ч. 1 арт. 139 КК (забойства).
***
Інфармацыя Столінскага РАУС
Прыкметы Юліі Ляшук: на выгляд 14—16 гадоў, рост каля 165 см, сярэдняга целаскладу, твар круглы, колер звычайны, валасы даўжынёй да плячэй, чорнага колеру, вочы шэра-зялёнага колеру.
Была апранута: куртка (пухавік) шэрага колеру, даўжынёй да каленяў, з капюшонам, па аблямоўцы капюшона маецца мех шэрага колеру, джынсы цёмна-сіняга колеру, маюцца невялікія плямы ў выглядзе пацёртасцяў, на падцяжках карычневага колеру, кофта ў палоску шэра-карычневага колеру з капюшонам, трыкатажная, дробнай вязкі, бюстгальтар чорнага колеру, з устаўкамі ружовага колеру, шалік зялёнага колеру, па баках устаўкі ружовага колеру, шкарпэткі блакітнага колеру і цёплыя ружовага колеру, капронавыя калготы цялеснага колеру, боцікі зімовыя шэрага колеру, ззаду маецца замочак даўжынёй каля 15 см.
Грамадзянам, якія што-небудзь ведаюць пра месцазнаходжанне Ляшук Ю.Ю. ці бачылі яе пасля 04.10 гадзін 2012.01.01, а таксама пры выяўленні рэчаў, якія знаходзіліся на зніклай або падобных па прыкметах, просьба неадкладна паведаміць у Столінскі РАУС.
Кантактныя тэлефоны: 8-01655-21232 (крымінальны вышук), 8-01655-24381 або 102 (дзяжурная частка).
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары