«Фармулёўка паводле статуту — за нанясенне палітычнай шкоды партыі».
10 студзеня адбылося пасяджэнне Мінскай гарадской рады АГП. У партыю былі прынятыя новыя чальцы, зацверджана дата правядзення гарадской канферэнцыі, а таксама прайшло галасаванне наконт выключэння з шэрагаў партыі Андрэя Дзмітрыева, які кіраваў штабам У.Някляева на прэзідэнцкіх выбарах 2010 года.
Старшыня Мінскай гарадской арганізацыі АГП Анатоль Паўлаў, у прыватнасці, зазначыў:
«Фармулёўка паводле статуту — за нанясенне палітычнай шкоды партыі. А палітычная шкода відавочная.Возьмем мінулыя выбары. Упершыню партыя рашэннем з’езда вылучыла свайго кандыдата ў прэзідэнты. Пры гэтым Дзмітрыеў, быўшы не проста шараговым сябрам партыі, а членам Нацыянальнага камітэта і кіраўніком Міжнароднай камісіі АГП, дэманстратыўна займаўся кіраўніцтвам штаба абсалютна іншага кандыдата. Як гэта разглядаць, калі не палітычную шкоду?
І другі момант — яго заява, якая прагучала па беларускім тэлебачанні пасля 19 снежня 2010 года.
Трэба аддаць належнае Яраславу Раманчуку — пасля сваёй заявы па БТ ён знайшоў у сабе мужнасць, напісаў заяву і выйшаў з партыі. Дзмітрыеў не палічыў гэта патрэбным. Не сумняваюся, ён яшчэ зладзіць валтузню вакол свайго выключэння.
Тым больш цяпер, калі агучыў свае планы аб стварэнні левацэнтрысцкай партыі, што, дарэчы, ужо ідзе насуперак з ідэалогіяй АГП.Ён павінен быў сам пайсці, але не зрабіў гэтага. Таму гарадская рада прыняла такое рашэнне».
Цяпер чытаюць
Лукашэнка нервова пракаментаваў візіт Ціханоўскай у Кіеў27
Каментары