Івашкевіч: Толькі байкот выбараў паспрыяе вызваленню палітвязняў
Стартавала кампанія «Байкот», якая выступае за няўдзел у сёлетніх парламенцкіх выбарах.
Адзін з каардынатараў кампаніі Віктар Івашкевіч заявіў, што толькі такі варыянт ён бачыць найбольш эфектыўным.
«Калі ты кажаш, што выбары — фальшывы спектакль, то як ты яму супрацьстаіш?»
— задаецца пытаннем Івашкевіч. І лічыць, што немагчыма гаварыць пра фальсіфікацыю выбараў, а пасля ў іх удзельнічаць. Ён звяртае ўвагу, што з’езд БХД прыняў рашэнне правесці актыўны іх байкот. Такое ж рашэнне прыняла і Палітрада АГП. А таму ён не прымае абмеркаванне лідарамі кааліцыі «шасці» варыянта ўдзелу ў выбарах як волю большасці сяброў партый і кампаніі кааліцыі.
А іх ультыматум зняцца з выбараў, калі не вызваляць палітвязняў, адкладае вызваленне зняволеных як мінімум да верасня.
Паводле словаў Івашкевіча, дамагацца гэтага трэба неадкладна.
Ён таксама заўважыў, што працаваць з людзьмі ўжо цяпер можна і трэба, а не чакаць афіцыйнага старту выбарчай кампаніі і зацвярджэння ў ролі кандыдата. «Ніхто не замінае заходзіць у бытоўку да слесараў і раздаваць ім агітматэрыялы». Івашкевіч сказаў, што днямі ўжо ў пятнаццаці гарадах Беларусі пачнецца праца па распаўсюджванні матэрыялаў кампаніі «Байкот», запрацуе адмысловы сайт.
Да кампаніі далучыўся былы палітвязень Аляксандр Атрошчанкаў, прафсаюз РЭП, Рада беларускай інтэлігенцыі.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца2
Каментары