Аляксандр Лукашэнка сёння ў час даклада старшыні праўлення Нацыянальнага банка Надзеі Ермаковай папярэдзіў аб недапушчальнасці эмісіі ў краіне.
«Мы ні ў якім выпадку не павінны друкаваць грошы, гэта абсалютна выключана», — падкрэсліў ён
Лукашэнка звярнуў увагу на тое, што ў гэтым годзе «ўсе павінны забыць, што на крэдытаванне могуць выкарыстоўвацца эмісійныя грошы». Паводле яго слоў, павінны выкарыстоўвацца толькі тыя фінансавыя сродкі, якія будуць зароблены ў эканоміцы ў цэлым.
Аляксандр Лукашэнка паставіў задачу ўсёй банкаўскай сістэме кантраляваць эфектыўнае выкарыстанне крэдытных рэсурсаў. Ён таксама падкрэсліў, што крэдытныя грашовыя сродкі павінны выдавацца толькі на эфектыўныя праекты.
Каментары