Германскае прадстаўніцтва фінскай кампаніі Lapua не атрымала дазволу выканаць замову.
Беларуская зборная па біятлоне застаецца без патронаў. Улады Нямеччыны не даюць дазволу на экспарт патронаў у Беларусь. На гэта наракаюць беларускія дзяржаўныя СМІ.
Па іх інфармацыі,
беларускі бок яшчэ 20 снежня 2011 года зрабіў перадаплату ў памеры 34 тысяч еўра.
Старшыня дырэктарата нацыянальных каманд Міністэрства спорту і турызму Беларусі Андрэй Фомачкін абяцае, што неабходны запас патронаў для падрыхтоўкі і выступу на чэмпіянаце свету ў германскім Рупальдынгу і на этапе Кубка свету ў Ханты-Мансійску для нацыянальнай каманды маецца. Аднак
замоўленыя ў Lapua патроны выраблены персанальна для ствалоў кожнага члена каманды і дакладнасць пры выкарыстанні іншых боепрыпасаў скарачаецца на 3-5%.
Еўрасаюз увёў эмбарга на пастаўку ўзбраенняў і вайсковай тэхнікі з Еўрасаюза ў Беларусь як дыктатарскую краіну. Нямеччына займае асабліва прынцыповую пазіцыю ў гэтым пытанні. Тым не менш,
беларускія функцыянеры лічаць, што спартыўныя патроны пад гэтае рашэнне ЕС не павінны трапляць.
Санкцыі супраць рэжыму Аляксандра Лукашэнкі былі ўведзены за сістэматычныя парушэнні правоў чалавека. У прыватнасці,
Еўрасаюз падазрае высокіх беларускіх чыноўнікаў у фальсіфікацыі выбараў і выкраданні людзей.
Цяпер чытаюць
У дзень пачатку Пецярбургскага эканамічнага форуму УСУ нанеслі дзясятак удараў па нафтавым тэрмінале ў порце горада і базе Балтфлота ў Кранштаце34
Каментары