Дыферэнцыявана плаціць за электраэнергію беларусы будуць з другой паловы года
Дыферэнцаваны падыход да аплаты насельніцтвам электраэнергіі плануецца ўкараніць у другой палавіне 2012 года. Аб гэтым паведаміў міністр энергетыкі Беларусі Аляксандр Азярэц.
Сёння прапрацоўваюцца пытанні стварэння сацыяльнага пакета і гарантый для насельніцтва ў частцы аплаты за спажытую электраэнергію. Гэта значыць яе спажыванне будзе лімітавана, а тое, што спажываецца звыш, будзе аплачвацца па сабекошце.
«Мы падлічылі, што 70–75% насельніцтва не панясе страт і ўвойдзе ў гэтыя ліміты,
а вось плаціць больш будуць заможныя грамадзяне, якія спажываюць не па 150–250 кВт.гадз у месяц, а больш за 1000 кВт.гадз.Гэта і будзе сацыяльная справядлівасць, сацыяльная роўнасць», — лічыць Аляксандр Азярэц.
Сёння беларусы плацяць прыкладна 2,8 цэнта за 1 кВт.гадз, у той час як кошт электраэнергіі, якую выпрацоўвае краіна, у сярэднім па энергасістэме складае каля 6,9–7 цэнтаў за 1 кВт.гадз. Сацыяльная абарона насельніцтва ў сферы аплаты электраэнергіі, цеплаэнергіі, газу, значная, падкрэсліў міністр энергетыкі.
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары